Beldurraren konstrukzio eta dekonstrukzioa: etorkinen esperientziak aginte polizialaren aurrean

Laburpena

Lan honetan, hainbat agente dituen eraikin moduan ikertu dut beldur-sentimendua, agiririk ez duten etorkinek polizien aurrean izandako bizipenetan fokalizatuta eta Porto Alegreren, Buenos Airesen eta Madrilen arteko ikerketa konparatiboa oinarri hartuta. Legez kontrako izatearen eta ezegokitasunaren inguruko diskurtsoen gainean eraikitzen da a priori beldur-sentimendua, eta eguneroko bizipen moduan hartzen da. Testuinguru horren zati da etorkina arrazalizatu eta etnifikatzearen arazoa. Hori desegiteko, beharrezkoa da etorkinak bere burua subjektu politiko edo eskubidedun moduan ikusteko prozesu bat, diskurtsoaren eta “botere” nahiz “agentzia” kontzeptuen analisiaren bitartez.