Maitasunaren antropologiarako hainbat ideia

Laburpena

Artikulu honetan proposatzen den amodioaren azterketa-eredua azken hiru hamarkadetako emozioen antropologiaren oinordekoa da, gaur egungo teoria antropologiko feministak eta gorputzaren teoriak egin dituen ekarpenez aberastua. Gure egiten dugun planteamendu honetatik Mendebaldean nagusitu diren definizioak eta amodio erromantikoaren garrantzia zalantzan jartzen dira eta amodioa, gogo, emozio eta ekintza sistema konplexu gisa ulertzen da. Era berean, amodioaren inguruan aurkitzen diren nozio, sailkapen eta bizipen ugarien azterketarako, testuinguru sozial eta kulturalak eta banakako eta taldeko jarduerak aintzat hartzen dituen ikuspegia kontuan hartu beharra defendatzen dugu.