Emakumea eremu publiko eta pribatuaren okupazio/desokupazioan. Belaunaldi arteko ikuspegia 1965-1970: Pasaiako portua

Laburpena

Ikerketa honek emakumeek egindako eremu publikoaren okupazioa eta desokupazioa ikertzen ditu, belaunaldien arteko ikuspuntutik. Azterketa 1965-1970 aldian kokatuta dago, eta nazionalkatolizismoaren emakume eredua aldi horretan Pasaian ezarri izana da erakutsi nahi den hipotesi nagusia. Aldi berean, mentalitate aldaketa nola ematen den aztertuko dugu, eta nola aldaketa horrek emakumeek eremu publikoa aurreko etapan ez bezala okupatzea ekarriko duen.