Isuriak eta ezpurutasun kontzeptua: generoa eta kastak Indiako Himalaian
Gako-hitzak:
isuriak, ezpurutasuna, kastak, generoa, IndiaLaburpena
Lan honetan isurien bidez transmititutako ezpurutasun kontzeptua aztertuko dugu. Kastak eta generoak diskriminatzeko sinboloa eta tresna da ezpurutasuna Indian. Isuriek funtzio asimetrikoak dituzte senidetza-loturen sorkuntzan, kasta-sistemaren funtzionamenduan zein genero-hierarkian. Isurien gorputz arteko zirkulazioak kontrol zorrotza eskatzen du; ez da kasten arteko kontaktua debekatzen, baina zaindu egin behar izaten da transmisioa norabide bakarrean mantentzea; izan ere, botere/subordinazio erlazioarekin loturik dago, eta azken horrek zerikusia du klanen erreprodukzioarekin. Indiako Himalaiako ibar batean bildu ditugun datu etnografikoetatik abiatuta, hizpide dugun isurien mekanika kontrajarriko diegu ezpurutasunaren zenbait teoriari; halaber, ezpurutasunari buruzko ikuspegi berritua eta eguneratua proposatuko dugu.
