Kritika feminista eta antropologia: harreman deseroso eta emankorra

Laburpena

Artikuluak ikuspegi orokor bat eskaintzen du antropologiak, jakintzagai akademiko moduan, eta feminismoak, adierazpen akademiko eta politikoetan, dituzten elkarrenganako eraginei buruz. Arreta jartzen du bion artean azken hamarkadetan izan diren topaleku eta afinitateetan, baina desadostasunak eta txarto ulertuak ahaztu gabe. Testuak, gainera, antropologiak genero ikerlanetan edo ikerlan feministetan, diziplinarteko ikerlan diren aldetik, jokatu duen eginkizuna errebindikatzen du, eta galdetu egiten du egun jakintzagaiak haietan betetzen duen tokiaz.