Hiru memoria isil

Laburpena

Memoria pertsonalak iraganean jazotakoagatik borrokatzen diren eta orainaldian eragin erreala duten testigantza eta isiltasunen eraketa dakar ehuntzen dituen oroitzapen eta ahanzturen bilbearen bidez. Hitzez adierazitako lengoaiaren ahalmenaren parean, isiltasuna ere komunikazio bide eraginkorra da, eta hainbat dira beronen atzean izkutatzen diren arrazoi eta mezuak. Era berean, anitzak dira bizipen traumatiko eta gatazkatsuen inguruan eraikitako isiltasun motak. Artikulu honek memoria isil horiek eraikitzeko dauden modu desberdinetan sakontzea du helburu Sagardia-Goñi familiaren inguruan eraikitako isiltasun komunitarioa, Z.E. familia banandu zuen isiltasuna eta P.T. ETAko militante ohiak eraikitako borondatezko isiltasun pertsonalaren azterketaren bidez.