Biolentzia eta fantasia: droneen kasua

Laburpena

Kontraterrorismo iparamerikarraren azken tresna dronak dira. Tresna berri hauek zein neurritan kontraterrorismoaren lojika auto-sortzailean kokatzen diren aztertzen da idatzi honetan. Fantasiaren zeregina aipatzen da batik-bat. Fantasia errealaren alderdi oinarrizko bezala ikusten da, ez errealitateari kontrajartzen zaion fikziozko ez-gauza bat. Fantasia honek sekretismoarekin eta estetitazioarekin dituen harremanak ere aztertzen dira, eta estetizizazioak faszismoarekin. Nevadako Las Vegas ingurutik kudeatzen dira drona ugari, hau (Area 51) izanik fikzio zientziaren gune nagusi bat, honela fantasiak duen garrantzia azpimarratuz. Fantasiak desioarekin, beldurrarekin eta denborarekin dituen harremanak jorratzen dira. Zer litzateke beraz “fantasia zeharkatzea” edo harago joatea (Lacan) politika internazionalari nagusitu zaion kontraterrorismoaren esparruan?