Etnografia-intentsitatea. Gogoetazaletasuna eta emozioa landa-lanean

Laburpena

Artikulu honetan, landa-lanean etnografia-intentsitatea garatzen den moduan jartzen da arreta, ikerketa antropologikoaren azterketa ulerkor baten abiapuntua bihurtuz. Intentsitate hau, epe luzera garatzen den elkarrizketa-erlazioaren bidez taxutzen da, konfiantza sendotu eta berriemaileen partehartzea areagotzen duen eratze prozesu gogoetatsu batean murgildurik. Landa-lanean gertatzen diren zenbait faktore zehazgaitzengatik, intentsitate-jokoa espazio eta denboran zehar aldakorra da. Faktore zehazgaitz hauen deskribapen etnografikoak eratzen du ondorioztatzen den antropologoaren eta bere berriemaileen erlazioen areagotze prozesuen oinarri enpirikoa.