Ahaidetasunaren inguruko ikuskera eta irudikapenean aldaketak emailearekiko laguntza bidezko ugalketa teknikak erabileraren dela eta

Laburpena

Artikulu honen helburua da LBUT-Een (laguntza bidezko ugalketa teknikak, emailearekin) erabileraren ondorioz ahaidetasunaren ikuskeran eta irudikapenean gertatzen ari diren aldaketa batzuk aurkeztea Espainian egiten ari garen ikerketa etnografikoan oinarrituta. Familia ereduaren araberako desberdintasunak badaude ere, gure emaitzek erakusten dutenez, ahaidetasun kultura aldatzea (amatasunaren/aitatasunaren ikuskera, lotura biogenetikoena, emaileena…) ez da LBUT-Eetara jo aurretik behar den baldintza, baizik eta teknika horiek erabiltzearen ondorioz eta prozesu bera bizi duten beste emakume batzuekin hausnartzearen ondorioz sortzen den zerbait (elkarteen, interneteko foroen eta lagun taldeen bidez). Ikuspuntu horretatik, tresna legal eta instituzionalek eragin nabarmena daukate ahaidetasun kulturaren eraldaketan, esperientzia horiei bidea zabaltzen baitiete.